"Чихний чимэг болсон аялгуу сайхан монгол хэл, Чин зоригт өвгөд дээдсийн минь өв их эрдэнэ." 
- Б.Ринчен
  1. Болд
      • 1
    2023-01-19T21:57:14+08:00

    Элдэв чимэглэл, зүүлт, будаггүйгээр амьдрал өөрөө их царай зүс муутай амьтан. Тэр туйлын гунигтай бөгөөд оршихуй нь үнэндээ хэрэгтээ утгагүй. Угтаа бол биенээ барьж идсээр эцэстээ үхэцгээдэг мөн чанартай юм. Үүнтэй мэдээж эвлэрч болохгүй. Түүнийг засварлах хэрэгтэй гэсэн үг. Үр дүнд нь урлаг бий болдог.

    Шашин бас нэг төрлийн урлаг. Сэтгэл хөдөлгөх аливаа зүйл урлаг. Дуу хөгжим, бүжиг, уран зураг, ном зохиол, баримал, хувцас загвар, хот төлөвлөлт ч мөн урлаг. Хүний бүтээсэн бүх зүйл урлагтай. Урлагийг амьдралаас хасчихвал бид буцаад зэрлэгүүд болох юм, бурхангүй газар буг галзуурна гэдэг шиг.

    Кино урлаг технологийн хувьд хөдөлгөөнт гэрэл зураг, бизнесийн хувьд зугаа цэнгэл, үзэл суртлын хувьд зэвсэг болж болно. Яагаад "зэвсэг" гээд сүртэй нэрлэх болов гэхээр, киног ашиглан өөрийн бодлыг бусдад халдаах боломжтой. Учир нь тэр ямар нэгэн зүйл өгүүлдэг.  Тиймээс төрийн цензур мэдээж хэрэгтэй. Урлагийг төв тал руу нь хандуулах ямар нэгэн "хүч" байх ёстой.

    Хариулах

Хариулт үлдээх